Дархан-Уул аймгийн Хонгор сумын ЗДТГ-аас зохион байгуулсан сумын малчдын зөвлөлгөөнд аймгийн Нийгмийн даатгалын улсын байцаагч М.Ганболд “Нийгмийн даатгал”, “Иргэний эрүүл мэндийн даатгалын тухай хууль” тогтоомж болон Засгийн газрын 52 дугаар тогтоол буюу тэтгэврийн нэмэгдлийн талаар мэдээлэл хийв.
Тус зөвлөгөөнд 117 малчин оролцож сайн дурын болон эрүүл мэндийн даатгалд 10 гаруй иргэн шинээр хамрагджээ. Мөн үеэр сайн дурын даатгалыг ноос, ноолуур, арьс шир борлуулах үеэр буюу жилд хоёр удаа төлдөг байвал ямар вэ? гэдэг саналыг малчид их тавьж байлаа. Зөвлөлгөөнд Нийгмийн даатгалын хэлтсийн хяналтын улсын байцаагч Э.Дашпунцаг, Эрүүл мэндийн даатгалын хамрагдалт, орлого хариуцсан байцаагч У.Ихзаяа нар оролцлоо.
