Дорнод аймгийн Гэмт хэргээс урьдчилан сэргийлэх ажлыг зохицуулах салбар зөвлөл /ГХУСАЗСЗ/ өнөөдөр 14:00 цагт Тэргүүлэгчдийн хурлын танхимд хуралдлаа. Салбар зөвлөлийн хурлаар 2015 оны ажлын төлөвлөгөөг хэлэлцэн батлав. Энэ оны ажлын төлөвлөгөөнд Замын хөдөлгөөний эсрэг гэмт хэргээс урьдчилан сэргийлэх ажлын хүрээнд, Мал хулгайлах гэмт хэрэгтэй тэмцэх, хулгайн ан хийх явдлыг зогсоох  ажлын хүрээнд, Архидан согтуурах, мансуурахтай  тэмцэх ажлын хүрээнд, Хүүхдийн эрхийг хамгаалах ажлын хүрээнд, Авилга, шударга бус үйлдэлтэй тэмцэх ажлын хүрээнд,  Ой хээрийн түймрээс урьдчилан сэргийлэх  ажлын хүрээнд, Сумдын ГХУСАЗСЗ-ийн ажлын хүрээнд гэсэн 7 чиглэлээр 68.5 сая төгрөгийн ажил хийхээр төлөвлөжээ. Өнгөрсөн онд манай аймгийн ГХУСАЗСЗ улсын хэмжээнд сайн ажилласан 4 аймгийн нэгд багтсан. Малын хулгайн эсрэг дорвитой тэмцэж, энэ хэргийн гаралтын тоо буурсан байдаг. Харин энэ онд архидан согтуурахтай тэмцэх, энэ талын сургалт сурталчилгааг Төрийн бус байгууллагуудтай хамтран, хамгийн оновчтой хэлбэрээр зохион байгуулахаар ажлын төлөвлөгөөндөө тусгажээ.