Аймгийн ИТХ-аас 2015 оныг “Баялаг бүтээгч, бизнес эрхлэгчдийг дэмжих жил” болгон зарласан. Энэ хүрээнд аймгийн ИТХ-ын Тэргүүлэгч Ж.Гантулгаар ахлуулсан Бодлогын хороодын дарга нарын бүрэлдэхүүнтэй Удирдан чиглүүлэх ажлын хэсэг байгуулагдан ажиллаж байгаа. Удирдан чиглүүлэх ажлын хэсэг өнгөрөгч мягмар гарагт хуралдаж “Баялаг бүтээгч, бизнес эрхлэгчдийг дэмжих жил”-ийн ажлыг зохион байгуулах ажлын хэсгийн мэдээллийг сонсож, үйл явцтай танилцлаа. Бизнес эрхлэгч, баялаг бүтээгчдээ орон нутгийн зүгээс бодитойгоор хэрхэн дэмжих тал дээр нухацтай ярилцлаа.
ЖДҮ-ийг дэмжих зээл, зээл олголттой холбоотой асуудал, ямар зээлийн сангууд байдаг, сангийн үйл ажиллагааны мэдээллийг ил тод нээлттэй мэдээлэх, өнгөрсөн онд улсын болон орон нутгийн төсвийн хөрөнгө оруулалтаар  хийгдсэн ажлуудын санхүүжилтийн гүйцэтгэлийг олгуулах зэрэг ажлуудыг шуурхайлах чиглэл өглөө.