Аймгийн эдийн засгийг хөгжүүлэхэд боловсролын байгууллагуудын оролцоог нэмэгдүүлэх зорилгоор аймгийн ИТХ-ын Бодлогын хороодоос зохион байгуулж буй “Зангиагүй ярилцлага” аймгийн ИТХ-ын Тэргүүлэгчдийн хурлын танхимд болж байна. Энэ удаагийн “Зангиагүй ярилцлага”-д Төсөв, эдийн засгийн бодлогын хороо, Байгаль орчин, газрын тос, уул уурхайн бодлогын хороо, Хүнс үйлдвэр, хөдөө аж ахуйн бодлогын хороо, Гадаад харилцаа, аялал жуулчлалын бодлогын хорооны гишүүд, Хөгжлийн бодлогын хэлтэс, Нийгмийн хөгжлийн хэлтэс, Статистикийн хэлтэс, Дорнод дээд сургууль, Боловсрол соёлын газар, Дорнод Политехникийн коллеж, Мэргэжлийн сургалт, үйлдвэрлэлийн төвийн дарга, удирдлагууд оролцож байна. Аймгийн эдийн засгийн хөгжлийн нөөц болох мал, аж ахуй, газар тариалан, аялал жуулчлал, банк санхүү, газрын тос, уул уурхайн  салбаруудыг хөгжүүлэхэд боловсролын байгууллагын үүрэг, оролцоо ямар байх вэ? Мөн мэргэжилтэй ажилчин, боловсон хүчний нөөц хэр байна, эрэлтэд суурилж мэргэжил, боловсрол эзэмшүүлэх асуудал зэргийг хөндөн ярилцаж байна. 15:00 цагт эхэлсэн“Зангиагүй ярилцлага” 19:00 цагт өндөрлөх юм.