Аймгийн ИТХ-ын Тэргүүлэгчдийн 2015 оны 4-р сарын 15-ны өдрийн А/52 тоот тогтоолоор Увс нуурын дэргэдэх “Аялал жуулчлалын гэр бааз”-ыг менежментийн үр дүнг харгалзан хувьчлах шийдвэр гарч уралдаант шалгаруулалтыг зохион байгуулахаар аймгийн ЗДТГ-ийн Хөгжлийн  бодлогын хэлтсийн даргаар ахлуулсан тендер шалгаруулах комисс байгуулан хувьчлалын үйл ажиллагааг журмын дагуу 2 үе шаттайгаар зохион байгууллаа.

Уралдаант шалгаруулалтад оролцохоор 2 компани өрсөлдсөн ба 48,595.000 төгрөгийн дэнчинг урьдчилан байршуулан, тендерийн материал ирүүлснээс тендерийн комиссын үнэлгээгээр Улаанбаатар хотын Ч.Дүгэр захиралтай “Морьтны Өргөө” ХХК тендерт шалгаран гэрээ байгуулах зөвлөмжийг Аймгийн ИТХ-ын ажлын алба, ЗДТГазарт ирүүлсэний дагуу аймгийн ИТХ-ийн нарийн бичгийн дарга Х.Төртогтох, аймгийн ЗДТГ-ийн дарга Г.Болор-Эрдэнэ, Морьтны өргөө ХХК-ны захирал Ч.Дүгэр нар гурван талт гэрээ байгуулав. Гэрээнд зааснаар Увс нуурын дэргэдэх “Аялал жуулчлалын гэр баазын хөрөнгийн үнэлгээ 323,966.200 төгрөг ба гэрээний хугацаа 3 жил юм.