Засгийн газрын Хэрэг эрхлэх газар, Холбооны Бүгд Найрамдах Герман Улсын Конрад- Аденауэр сантай хамртан 2015 оны 06 сарын 18-19-ний өдрүүдэд Хөвсгөл аймагт зохион байгуулагдах “Нутгийн удирдлагын манлайллыг хангах нь” сэдэвт сургалт, хэлэлцүүлэгт оролцохоор манай аймгийн сумдын Иргэдийн Төлөөлөгчдийн Хурлын Тэргүүлэгчдийн нарийн бичгийн дарга нар Хөвсгөл аймгийн зүг хүлгийн жолоогоо заллаа.

Энэ сургалтанд Архангай, Завхан, Хөвсгөл аймгуудын аймаг, сумдын Иргэдийн Төлөөлөгчдийн Хурлын Тэргүүлэгчдийн нарийн бичгийн дарга, Засаг даргын тамгын газрын дарга нар хамрагдах юм.

Сургалтанд явж байгаа сумдын Иргэдийн Төлөөлөгчдийн Хурлын Тэргүүлэгчдийн нарийн бичгийн дарга нараа аймгийн ИТХТ-ийн ажлын албаныхан сургалт, хэлэлцүүлэгтэй амжилттай оролцохыг хүсэн ерөөж, аян замд гарахад нь үдэж өглөө.