Жил бүр Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан Чингэлтэй дүүргийн харьяат Улс төрийн хилс хэрэгт хэлмэгдэгсэд, тэдний гэр бүл үр хүүхдүүдэд хүндэтгэл үзүүлдэг уламжлалтай билээ
Чингэлтэй дүүргийн хэмжээнд хэлмэгдэгсдийн үр хүүхэд, гэр бүл нийтдээ 78 иргэн байгаагаас 5 хэлмэгдсэн иргэн одоог хүртэл  энх тунх амьдарч байна.
Тус өдрийн хүрээнд дүүргийн Иргэдийн Төлөөлөгчдийн Хурлын ажлын албанаас 2015 оны есдүгээр сарын 04-ны өдөр дүүргийн Эрүүл мэндийн нэгдэлтэй хамтран хэлмэгдсэн иргэд, тэдний үр хүүхдүүдийг 9 чиглэлээр нарийн мэргэжлийн эмчийн үзлэгт хамрууллаа.
Мөн 2015 оны есдүгээр сарын 9-ны өдөр Түвдэнпэлжээлин хийдтэй хамтран хэлмэгдэгсдийн хойдын буянд зориулж 108 зул өргөж, буян ном хуруулан хүндэтгэл үзүүлэх юм.