Архив, албан хэрэг хөтлөлт, төрийн байгууллагын ажлын зохион байгуулалтад явуулж буй улсын үзлэг Дархан-Уул аймагт энэ сарын 20-ноос 23-ны өдрүүдэд боллоо.
Дархан-Уул аймагт ажилласан ажлын хэсгийнхэн үзлэгийн дүнг аймгийн ИТХ-ын дарга П.Эрдэнэбатад танилцууллаа.
Аймгийн ИТХурал улсын үзлэгт 81.23 хувь B үнэлгээтэй дүгнэгдсэн бол аймгийн ЗДТГ 89,75 хувь B үнэлгээ авсан байна.
Аймгийн ИТХ-ын ажлын албанд төрийн албан хаагчдын сургалтын хөтөлбөр болон нийгмийн баталгааг хангах хөтөлбөр боловсруулж ажиллах, ИТХ-ын жилийн ажлын төлөвлөгөөнд архив, албан хэрэг хөтлөлтийн талаар тусгаж хэрэгжилтийг хангах, байгуулллагын баримт бичиг нягтлан шалгах комиссын дүрмийг шинэчлэн боловсруулах, хөтлөх хэргийн жагсаалтыг мөрдөх, онцгой байдлын үед архивын баримтыг аврах төлөвлөгөө боловсруулах зэрэг арга хэмжээ авах шаардлагатай байгааг ажлын хэсгээс зөвлөсөн юм.
