Өнгөрсөн 23, 24-ны өдрүүдэд орсон усархаг борооноор Дархан сумын 6-р багийн тээвэрчдийн хэсэгт ус сувгийн хүйтэн усны шугамын чигжилт хийсэн сул шороо борооны усаар доош түрэгдэн урсаж нилээд урт үргэлжилсэн том ан цав үүсгэсэн байна. Улмаар их хэмжээний урссан элс төв зам дагуух үерийн ус зайлуулах хоолойруу орж бөглөжээ. Хүн, машин явахад хүндрэлтэй болсон энэ байдлыг Дархан сумын Засаг дарга газар дээр нь очиж үзсэн юм. Улмаар аймгийн онцгой комисст асуудлыг танилцуулан шийдвэрлүүлэх арга замыг эрэлхийлж ажиллана гэв. Уг нь энэ хэсгийг аймгийн орон нутгийн хөгжлийн сангийн хөрөнгөөр засахаар төлөвлөсөн ч эдийн засгийн таагүй байдлаас шалтгаалан тусгагдсан төсөв нь эргэн татагджээ.