"Архангайн багш нарын бага хурал 2015" энэ сарын 28-нд сургууль цэцэрлэгийн удирдлагууд, сургалтын менежерүүдийн дунд зохион байгуулагдлаа.
Хурлаар 2014-2015 оны хичээлийн жилийн үр дүнгийн биелэлт, зорилтуудыг хэлэлцэж алдаа оноогоо дүгнэсэн ба 2015-2016 оны зорилго биелэлт, төлөвлөгөөтэй танилцсан байна.
Үйл ажиллагааны нээлтэнд аймгийн ИТХ-ын дарга, БСГ-ыг дарга тэргүүтэй зочид төлөөлөгчид оролцлоо.
"Салбартаа амжилт гаргасан хамт олны дунд орж ирээд үг хэлэхэд урамтай байна. Архангайн боловсролын үзүүлэлтийг 17-р байрнаас 8 дугаар байр хүртэл урагшилуулсан та бүхний хөдөлмөр зүтгэлд талархан баяр хүргэж байна. "Математик" хөтөлбөрийн үр дүнг ихэд сайшааж энэ хөтөлбөртэй ижил үр дүнд хүрэх шинэ санаачлага бүрийг дэмжиж ажиллахад бэлэн байна хэмээн аймгийн ИТХ-ын дарга Ч.Мөнхбат хэлэв.
Түүнчлэн багш нарын нийгмийн асуудлыг анхаарч шинэ хороололд боссон 120 айлын орон сууцны 40 айлын орон сууцыг багш нарт хуваарилсан талаар мэдээллээ.
Мөн амжилт гаргасан багш, сурагчдыг урамшуулдаг өөр бусад жишээнүүдийг хуралд оролцогсодтой хуваалцсан байна.
