Чанарын удирдлагын тогтолцооны гэрчилгээ, стандартын тэмдэглэгээ хэрэглэх гэрээний дагуу 2 дах удаагаа магадлах аудит хийлгэж байгаа бөгөөд 2015 оны 10 сарын 02-ны өдөр Монгол Улсын Засгийн газрын тохируулагч агентлаг Стандартчилал, хэмжил зүйн газрын Баталгаажуулалтын газрын аудитор Н.Цэцгээ тус хэлтсийн ЧУТ-ны хэрэгжилтийн тогтвортой байдал, үйл ажиллагаанд MNS ISO 9001 : 2010, MNS ISO 19011 : 2003 стандарт, удирдлагын тогтолцооны баталгаажуулалтын журмын хэрэгжилтэд магадлах аудит хийлээ.
Аудитаар Төв аймгийн Стандартчилал, хэмжил зүйн хэлтсийн үйл ажиллагаанд нэвтрүүлсэн чанарын удирдлагын тогтолцоо нь тогтвортой хэрэгжиж, стандартын шаардлагад нийцэж байгаа бөгөөд үл тохирол илрээгүй гэж дүгнэгдлээ.
Ийнхүү аудитад амжилттай хамрагдсандаа манай хамт олон сэтгэл хангалуун байна.
Төв аймгийн Стандартчилал, хэмжил зүйн хэлтэс
