Өнөөдөр Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ 16 дугаар хорооны иргэн Х.Чулуунчимэг, 12 дугаар хорооны иргэн Б.Амгаасэд нарт дүүргийн Засаг даргын гарын үсэг бүхий өргөө цагаан гэрийн батламж гардууллаа.
Нийгмийн халамж, дэмжлэг хүссэн иргэдийн өргөдөл, хүсэлт дүүргийн Иргэдийн Төлөөлөгчдийн Хурлын дарга, Засаг дарга, Засаг даргын Тамгын газарт байнга ирдэг билээ.
Дүүргийн Иргэдийн Төлөөлөгчдийн Хурал нь ирсэн өргөдөл, хүсэлтийг холбогдох хэлтэс, албадаар судлуулсны үндсэн дээр сургууль, цэцэрлэгт оруулах, Олон улсын байгууллагын дэмжлэгт туслалцаанд хамруулах зэргээр шийддэг юм. Иргэдийн өргөдөл хүсэлтийн зонхилох хувь нь орон байрны дэмжлэг туслалцаа хүссэн байдаг юм.