Сүхбаатар дүүргийн Иргэдийн Төлөөлөгчдийн Хурал 2015 оны 10 дугаар сарын 7-ны өдөр байгууллагын архив, албан хэрэг хөтлөлт, төрийн байгууллагын ажлын зохион байгуулалтын улсын үзлэгт хамрагдлаа. Улсын үзлэгийн шалгалтыг Нийслэлийн Засаг даргын Тамгын газрын Нийгмийн хөгжлийн бодлогын хэлтсийн дарга М.Отгонбаяраар ахлуулсан нийслэлийн Засаг даргын Тамгын газрын Хяналт шинжилгээ, үнэлгээний хэлтсийн мэргэжилтэн Д.Сайнхүү, нийслэлийн Засаг даргын Тамгын газрын Нутгийн захиргааны удирдлагын хэлтсийн мэргэжилтэн З.Алтанцэцэг, нийслэлийн Архивын ерөнхий газрын мэргэжилтэн Б.Номингэрэл нарын бүрэлдэхүүнтэй нийслэлийн 6 дугаар ажлын хэсэг хийж
- Төрийн байгууллагын ажлын зохион байгуулалт - Албан хэрэг хөтлөлтийн үйл ажиллагаа
- Байгууллагын архивын үйл ажиллагаа
- Архив албан хэрэг хөтлөлтийн үйл ажиллагаанд мэдээллийн технологи нэвтрүүлж буй байдал гэсэн 4 үндсэн үзүүлэлтээр дүгнэлээ.
Үзлэгт дүүргийн Иргэдийн Төлөөлөгчдийн Хурлын Захиргааны хэлтэс, Зохион байгуулалтын хэлтэс, Иргэний оролцооны хэлтсээс гадна дүүргийн 3, 5, 7 дугаар хорооны Иргэдийн нийтийн хурал хамрагдаж амжилттай дүгнэгдлээ.
