Дархан-Уул аймгийн СӨХ-дын ажлыг эрчимжүүлэх, СӨХ-дын удирдах зөвлөл, хяналтын зөвлөлийн ажлыг сайжруулах, иргэдийн чиг хандлагыг өөрчлөх зорилгоор аймгийн ИТХурал, Захирагчийн ажлын алба хамтран “СӨХ-ДЫН АЖЛЫГ САЙЖРУУЛАХ ТУХАЙ” өргөтгөсөн уулзалтыг маргааш буюу 2015 оны 10 дугаар сарын 28-ны өдрийн 10 цагт зохион байгуулах гэж байна. Уулзалт аймгийн ЗДТГ-ын хурлын танхимд болно.
Тус уулзалтаар:
- Нийтийн зориулалттай орон сууцны өнөөгийн байдал, аймаг, сумын Засаг захиргаатай хэрхэн хамтран ажилладаг уялдаа холбоо
- Улсын болон орон нутгийн төсвөөр хийгдсэн ажлуудын тухай
- СӨХ-дын Салбар зөвлөл, тэргүүлэгчид, гүйцэтгэх захирлын үйл ажиллагаа
- НЗОС-ны ашиглалт, хамгаалалт, өвөлжилтийн бэлтгэл ажлын талаар
- НЗОС-нд оршин суугчдын өргөдөл, гомдол, саналын тухай
- СӨХ-дын бүтэц зэрэг тулгамдсан асуудлуудыг хөндөж ярилцах юм байна.
Уулзалтанд аймгийн ИТХ-ын дарга, аймгийн Засаг дарга, Сумдын Засаг дарга, ЗДТГ-ын мэргэжилтэн, багийн ИНХ-ны дарга, Засаг дарга, СӨХ-дын Дархан салбар зөвлөл, СӨХ-дын тэргүүлэгчид, гүйцэтгэх захирал, Инженерийн шугам сүлжээний байгууллагуудын холбогдох мэргэжилтэнгүүд, НААҮГ-ын холбогдох мэргэжилтнүүд оролцоно.
