Химийн хорт болон аюултай бодисын тухай хууль, тагнуулын байгууллагын тухай хууль, Цагдаагийн байгууллагын тухай хуулийн хэрэгжилтийг хангах болон байгаль хамгаалах намрын сарын ажлын хүрээнд сумдад шалгалтын ажлыг зохион байгуулж байгаа бөгөөд энэ удаад Эрдэнэбулган суманд хийсэн хяналт шалгалтын дүн гарчээ.

Шалгалтаар Эрдэнэбулган сумын хэмжээнд үйл ажиллагаа явуулж буй аж ахуй нэгж байгууллагуудад химийн бодисын хадгалалт муу, хадгалж буй агуулахуудын аюулгүй байдал бүрэн хангагдаагүй, цонх хаалганы хамгаалалт хийгдээгүй, химийн бодисын ашиглалт зарцуулалтын тайлан хөтлөлт хангалтгүй, хаягын бүрдэл дутуу, аюулгүй ажиллагааны заавар зөвлөмж байхгүй, галын аюулгүй үед авах арга хэмжээний багаж материал дутуу зэрэг алдаа дутагдлууд илэрсэн байна. Иймд холбогдох газруудаас алдаа дутагдлаа засч ажиллах заавар зөвлөгөөг өгчээ.