Монгол улсад гэрэл зургийн алба үүсч хөгжсөний 80 жил, Дорнод аймагт гэрэл зурагчдын холбоо байгуулагдсаны 15-н жилийн ойг тохиолдуулан гэрэл зурагчдын холбооноос “Дорнод талын гэрэл зурагчид”  номыг хэвлүүлсэн байна.

Аймгийн Төв номын санд болж өнгөрсөн тус номын нээлтийн үеэр үе үеийн гэрэл зурагчдын бүтээлүүдээр үзэсгэлэн гаргасан байсныг  аймгийн удирдлагууд, зочид төлөөлөгчид сонирхон саатаж уран бүтээлийн эзэдтэй хөөрөлдлөө.

Хамаг бүхэн бороо мэт арилж, гэрэл зураг шороо мэт үлдэхийн учир өнгө өнгийн ертөнцийг өөрсдийн дурангаар буулгаж үе үеийн түүхийг бүтээлцэж буй эрхэм гэрэл зурагчиддаа ойн баярын халуун мэндийг хүргэе.