Засаг захиргаа, хууль эрх зүйн бодлого хяналтын хороо аймгиийн ИТХ-ын даргын баталсан удирдамжийн дагуу 11 дүгээр сарын 09-ний өдөр аймгийн нутаг, дэвсгэрт үйл ажиллагаа явуулж буй “Жавзан Нарохажид” хийд, Монголын баярын мэдээ сүм, Дархан баптист сүм, “Хаанчлалын Дархан” ТББ-ын удирдах зөвлөлийн гишүүдтэй уулзаж танилцуулсан мэдээлэл, санал хүсэлтийг сонслоо.
   Сүм хийдүүдийн үйл ажиллагаа явуулах зөвшөөрлийн хугацааг нэг жилээр олгож байгааг цаашид 2-3 жил болгон уртасгах талаарх саналыг уулзалтанд оролцосон сүм, хийдүүдийн төлөөлөл тус хорооны гишүүдэд танилцуулж байлаа.

   Засаг захиргаа, хууль эрх зүйн бодлого хяналтын хороо дээрх саналуудыг нэгтгэн ИТХ-ын даргад танилцуулж, гарсан шийдвэрийг сүм, хийдүүдэд танилцуулахаар боллоо.