Монгол улсын Засгийн Газраас баталсан “Зөв Монгол хүүхэд” үндэсний хөтөлбөрийн “Багшийн хөгжил” дэд хөтөлбөрийн хүрээнд хэрэгжиж буй “Шинэ зууны боловсрол төсөл”-өөр багш бүрт зөөврийн компьютерийг түгээж байгаа юм.
Улс даяар 25000 ширхэг зөөврийн компьютерийг багш бүрт, сургалтын орчныг сайжруулах чиглэлээр 11340 ширхэг зөөврийн компьютерийг ЕБС-дын компьютерийн лаборатори бүрт олгож байна. Үүнээс Дархан-Уул аймагт багшийн 848 ширхэг, сургуулиудын компьютерийн лабораториудад 333 нийт 1181 ширхэг зөөврийн компьютер хуваарилагдсан байна.
"Багш бүрт зөөврийн компьютер” олгох нээлтийн үйл ажиллагаа өнөөдөр /2015.11.17/ Залуучууд теартын их танхимд боллоо. Нээлтэнд аймгийн ИТХ-ын дарга П.Эрдэнэбат, Засаг дарга А.Энхболд, ЗДТГ-ын дарга Ц.Сүхбаатар, БСГ-ын дарга Б.Ганчулуун, НХХ-ийн дарга Д.Тунгалагтамир нар оролцов.
Уг компьютерыг 2015-2016 оны хичээлийн жилд шинээр ажилд орсон багш нарт компьютер олгохгүй юм байна.
Зөөврийн компьютер, тоног төхөөрөмжийг сургууль цэцэрлэгт түгээх, хүлээлгэж өгөх үүргийг хүлээсэн төслийн гүйцэтгэгчээр “ZTE” ХХК шалгарсан байна.
