Аймгийн төвийн иргэдэд  галын түлээг Цэнхэр, Булган, Ихтамир сумдаас нийлүүлнэ. Хувь хүмүүс гэхээсээ илүү нөхөрлөл хоршоодоор галын түлээг бэлтгүүлэх бодлого барьж байна. Одоогийн байдлаар Цэнхэр сумын Цэн тайга, Харзны дэнж, Тэлээ 5-н хайрхан, Ар бүрд өгөөж зэрэг мэргэжлийн байгууллага, Тавцан, Ямбилаг  нөхөрлөлийн гишүүдийн ой цэвэрлэсэн модыг аймгийн төвд оруулан худалдаж байна.

Мөн Булган сумын Могойхон, Дуут, Арцын даваа нөхөрлөлийн ойн цэвэрлэгээнээс гарсан модыг аймгийн төвийн иргэдэд нийлүүлж байна. Нэг портер буюу 4м3  мод 120 000-150 000 төгрөг, Зил 130 машин буюу 8м3 мод 350 000-400 000 төгрөгөөр зарагдаж байгаа бол цэвэрлэгээнээс гарсан мод 80 000 төгрөгийн үнэтэй байна.

1м3  модны эрхийн бичгийн үнэ 50 км хүртэлх мод тээврийн зайд 2340 төгрөг, 50-аас дээш км мод тээврийн зайд 1560 төгрөг байна. Цэвэрлэгээний аргаар хожуул, унанги модыг түлээнд ашиглах тохиолдолд эрхийн бичгийн үнийг 30 хувь, мөчир гишүүг 50 хувь хөнгөлж болдог гэнэ.