Морины шүд амьсгалахад чухал үүрэг гүйцэтгэдэг гэнэ. Колумб улсад морийг эрүүл чийрэг байлгахад зориулж шүдэнд нь ихэд анхаардаг. Адууны шүд хүний шүдийг бодвол тасралтгүй ургаж байдаг. Адуу байгальд зэрлэг байдлаараа байхдаа өвсийг зажилж, хивж, шүд нь байнга үрэгдэж багасч байдаг байна. Харин морины идэш тэжээл өөрчлөгдөж бэлэн тэжээл иддэг болсноор адууны шүд үрэгдэж, багасч байдаг хэвийн байдлаа алдаж хэт урт ургадаг болсон байна. Нэгэнт адууны шүд урт богино янз бүрийн хэлбэр, хэмжээтэй болбол хоол тэжээлийг жигд зажилж бутлах чадвар нь алдагдаж заримдаа буталж жижиглээгүй хоол ходоодонд орж гэдэс доторт нь муугаар нөлөөлдөг. Тиймээс малын эмч нар морины шүдийг тэгшилж, хэвийн байдлыг нь хадгалдаг байна. Колумбад морины шүдийг, үрэх, хуурайдах, өрөмдөх, цэвэрлэх, амыг тогтмол хэмжээнд нь ангайлгаж байлгах зэрэг нарийн багажууд байдаг ажээ. Мөн адуунд илүү шүд байдаг. Тэр шүдийг нь авахгүй бол өвс, хоол тэжээл идэхэд нь хүндрэлтэй байдгаас гадна шүдний зовиуртаа шаналсан адуу эмзэг, догшин, ярдаг ааштай болдог гэж малын эмч ярьж байна. Амьтад хоол тэжээлээ тохируулж иднэ гэж байдаггүй. Хоолоо идэж чадахгүй зовиуртай байгааг хэрхэн жин алдаж турж байгаагаас нь мэдэж болдог гэнэ. Шүдний зовиураасаа болж, догшин, ярдаг ааштай болж байгааг мэдэж болно. Энэ нь цаашлаад уралдахад нь хүртэл сөрөг нөлөө үзүүлдэг. Шүдийг тэгшилж, янзалж, цэвэрлэсний дараа адууны зан авар зөөлөрч, өвс тэжээлэндээ дуртай болдог гэж адууны шүдний эмч ярьжээ.
Shuum.mn
Иргэдийн төлөөлөгчдийн хурлын нэгдсэн цахим хуудас
ИТХ-ын нэгдсэн хуудас
Нутгийн өөрөө удирдах байгууллага нь аймаг, нийслэл, сум, дүүрэгт тухайн нутаг дэвсгэрийн иргэдийн Төлөөлөгчдийн Хурал, баг, хороонд иргэдийн Нийтийн Хурал байна. Монгол Улсын Үндсэн хуулийн Тавин есдүгээр зүйлийн 2 дахь хэсэг МУТББ төслөөс санаачлан бүтээв.Морины шүд зан авирт нь нөлөөлдөг гэв үү !
2015-12-07
