Аймгийн ИТХ-ын дэргэдэх Иргэний танхим нь төрийн байгууллагуудын төлөөлөл болон иргэдийн уулзах газар юм.Өнгөрсөн 2014 онд  нийт 26 удаагийн нээлттэй хэлэлцүүлэг зохион байгуулж, 1541 иргэн, 2014 онд 24 удаагийн нээлттэй хэлэлцүүлэг зохион байгуулж, 2854 иргэн, 2015 оны эхний 10 сарын байдлаар 17 удаагийн нээлттэй хэлэлцүүлэг  зохион байгуулж, 900 гаруй иргэнийг оролцуулаад байна. Иргэдийнхээ санал хүсэлтийг сонсож эхэлснээр аливаа зөрчил, дутагдлыг иргэдийнхээ санал хүсэлт, эрэлт хэрэгцээний дагуу засаж залруулах, төрийн бодлого шийдвэр нь нийтэд чиглэсэн амьдралд нийцсэн, бодитой байх зэрэг нийгэм, ард иргэдийн амьдралын чухал асуудлуудыг үр дүнтэй шийдвэрлэхэд ихээхэн ач холбогдлоо өгч байна.тэгвэл энэ удаагийн хэлэлцүүлэг нь тодорхой нэг сэдэвт баригдалгүй илүү өргөн цар хүрээг хамрахаараа онцлогтой юм.