Дархан-Уул аймгийн “Иргэний нийгмийн нэгдсэн зөвлөл” нь нийгэмд үйлчилдэг төрийн бус байгууллагын  төлөөллүүдээс бүрддэг. Уг зөвлөлийн хэвийн үйл ажиллагааг хангах үүднээс аймгийн ИТХ-аас тэдэнд ажлаа явуулах байр гаргаж өглөө. 

 Дархан-Уул аймгийн хэмжээнд 283 ТББ бүртгэлтэй байдгаас тогтвортой үйл ажиллагаа явуулдаг  20 иод ТББ  байдаг тухай “Иргэний нийгмийн нэгдсэн зөвлөл”-ийн тэргүүн М.Амарсанаа хэлж байна. Эдгээр төрийн бус байгууллагуудыг нэгтгэж, зорилго нэгтэй хамтран ажиллах  зарчмыг Иргэний нийгмийн зөвлөл баримтлах юм.

ИННЗ нь аймгийн ЗДТГ-ийн иргэдийг хүлээж авах өрөөнд буюу 13 номерт долоо хоногийн Даваа- Лхагва гарагт  ажлын цагийн хуваарийн дагуу ажиллана. Тэд иргэдийн санал хүсэлтийг хүлээн авч, төр захиргааны холбогдох байгууллагуудад дамжуулах, иргэний эрх ашгийг хангах үүднээс  хамтран ажиллах юм байна.