Золбин ноход гудамж талбайд олноор цугларч, хүн рүү дайрах тохиолдол цөөнгүй гарсан. Иргэдийн амгалан тайван байдлыг алдагдуулж байгаа тухай Дархан сумын баг болон иргэдээс ирүүлсэн санал гомдлын дагуу аймгийн НААҮГ-аас золбин нохой устгах ажлыг эхлүүлжээ. Үүнтэй холбоотойгоор Улаанбаатар хотын Хот тохижуулах газрын анчидтай эзэнгүй золбин нохой устгах гэрээ байгуулсан байна.Тав хоногийн хугацаанд 1000 золбин нохой устгахаар төлөвлөжээ. Золбин нохой устгах ажил энэ сарын 18-наас эхэлсэн тул иргэдийг тэжээвэр нохойнд хүзүүвч, таних тэмдэг зэргийг зүүж өдрийн цагаар сул тавихгүй байхыг НААҮГ-аас анхааруулж байна