Аймгийн ИТХ-ын даргын баталсан удирдамжын дагуу Ажлын хэсэг байгуулагдаж Дархан, Хонгор, Орхон, Шарын гол сумдын ИТХ-ын 2015 онд хийж хэрэгжүүлсэн ажилд үнэлэлт, дүгнэлт өгч байна. Ажлын хэсгийн бүрэлдхүүнд ИТХ-ын нарийн бичгийн дарга Р.Тунгалаг-Эрдэнэ, ахлах мэргэжилтэн Н.Буманцэцэг, Иргэний танхимын дарга Б.Ганпүрэв нар багтжээ.
      Тус ажлын хэсэг  2015 оны “Нутгийн өөрөө удирдах ёсны байгууллага”-ыг шалгаруулах зорилготой. Ажлын хэсгийн зүгээс : ИТХ-аас хэрэгжүүлж буй бодлого шийдвэр, түүний хэрэгжилт, дотоод ажил, архив бичиг хэргийн стандарт, Хурлын хуралдаан, Тэргүүлэгчдийн хэлэлцсэн асуудлын оновчтой байдал, тогтоолын хэрэгжилт, Төлөөлөгчидтэй ажилласан байдал, ХАСХОМ-ийн  бүрдүүлэлт , Иргэний танхимын үйл ажиллагаа, зэрэг ажлуудтай танилцаж, заавар зөвлөмж өгчээ.
       


      2015 онд Дархан сумын ИТХ-ын Тэргүүлэгчид 18 удаа хуралдаж 59 тогтоол шийдвэрийг гаргажээ. ГХУСАЗЗөвлөл гурван удаа хуралдаж сумын нутаг дэвсгэрт гэмт хэргээс урьдчилан сэргийлэх аян өрнүүлж тодорхой үр дүн гарсан байна. Тодруулбал: Дархан сумын 1-8 дугаар багийн айл өрхийн дунд  “Дэлхийн зөн” ОУБ-тай хамтран “ Сайн хөрш” шоу нэвтрүүлэг, “Гэмт хэрэг зөрчилгүй хамт олон – 2 “  аяны хүрээнд кодтой хаалга, аж ахуй нэгж байгууллага хяналтын камерын системийг нэврүүлснээр гэмт хэргийн гаралт буурчээ. Дархан сумын ИТХ-ын дэргэдэх Иргэний танхим өнгөрсөн онд бие дааж 4 хэлэлцүүлэг зохион байгуулж 300 гаруй  иргэд оролцсон ба аймгийн Иргэний танхимтай хамтарч 5 удаагийн нээлттэй хэлэлцүүлэг хийв.            

     Түүнчлэн Дархан сумын 18 баг тус бүрт “Иргэний танхим сонсож байна “ нээлттэй хэлэлцүүлэг өрнүүлж 800 орчим иргэдийн санал хүсэлтийг сонсож, хэлэлцүүлгээс гарсан санал шүүмжлэлийг холбогдох байгууллагад хүргүүлж ажиллажээ.