Монгол түмний үндэсний баяр болох Сар шинийг тохиолдуулан уламжлал болгон аймгийн удирдлагууд Дархан-Уул аймагт энх тунх аж төрж буй 100-аас дээш настай ахмадууддаа МУ-ын ерөнхийлөгчийн хүндэтгэлийг өргөн барьдаг.
Манай аймагт 101-105 настай З.Санжжав, Б.Гаваа, Д.Гонгорсүрэн нарын азай буурлууд ач зээ, хүүхдүүдийн хамт өнөр өтгөн аж төрж байна.
Эдгээр буурлууддаа энэ сарын 7-ны өдөр ИТХ-ын дарга П.Эрдэнэбат, АЗДТГ-ын дарга Ц.Сүхбаатар нар МУ-ын ерөнхийлөгчийн хүндэтгэлийг хүргэж, тэднээс түүх намтар, үнэт сургаалыг нь сонслоо.
