“Муу нүүрт” хэмээх Гал бичин жилийн сар шинийн баярыг тохиолдуулан аймгийн ИТХ-ын дарга П.Эрдэнэбат, Засаг дарга А.Энхболд нарын аймгийн удирдлагууд өндөр настан ахмадуудад гэрээр нь очиж хүндэтгэл үзүүлэн амар мэндийг нь эрэн золгов.

Аймгийн ИТХ-ын дарга Орхон сумын харьяа ахмад настан Ц.Чулуун, Д.Пунцаг нарынд очиж золголоо. Тэд сар шинийн ургах нарнаар аймгийн удирдлагууд хүндэтгэл үзүүлсэнд ихэд бэлэгшээж байлаа.

Мөн өдөр Д.Жавжмаа, Ж.Дарьяа, Г.Гүнтэв, В.Бадам-Очир, Х.Ванзрай, Б.Занаа нарын буурлуудтай золгож, ерөөлийг нь сонслоо.