Сонгуулийн тухай хуулийн 28 дугаар зүйлийн 28.5 дахь хэсэгт заасны дагуу сонгуулийн ажилтны мэдээллийн санд бүртгэгдсэн ажилтан, албан тушаалтанд Сонгуулийн тухай хууль тогтоомжийн талаар сургалт явуулж, гэрчилгээ олгох сургалтыг өнөөдөр /2016.04.04/ Дархан-Уул аймагт зохион байгууллаа.
Сургалтад хамрагдаж, гэрчилгээ авсан хүмүүс “Байнгын бус ажиллагаатай” сонгуулийн ажилтны мэдээллийн санд бүртгэгдэх юм.
Сургалтыг Сонгуулийн ерөнхий хорооны Мэдээлэл сургалтын хэлтсийн дарга Б.Оюун удирдан явуулсан бөгөөд оролцогчдод Сонгуулийн тухай хууль, Сонгуулийн байгууллагын ажлын зохион байгуулалт, сонгогчдын нэрсийн жагсаалт, сонгуулийн сурталчилгаа зэрэг бүх шаардлагатай мэдээллүүдийг өглөө.
