2014 онд сумын “Орон нутгийн хөгжлийн сан”-гийн хөрөнгөөр хэрэгжүүлэх хөрөнгө оруулалт, төсөл арга хэмжээний саналыг хэлэлцэж, эрэмбэлэх багийн иргэдийн нийтийн хуралд оролцсон иргэдийн давхацсан тоогоор 1993 иргэн 11 байршилд хүүхдийн тоглоомын талбай байгуулах санал гаргасныг зураг, төсөвжүүлж сумын Иргэдийн төлөөлөгчдийн хурлаар хэлэлцэж зургаан байршилд хүүхдийн тоглоомын талбайг байгуулах ажлыг 359,9 сая төгрөгөөр баталжээ.

Үүнд:

1. Нэгдүгээр багийн пионерийн гуравдугаар гудамж
2. Хоёрдугаар багийн Октябрийн зургаадугаар гудамж
3. Гуравдугаар багийн Цантын тавдугаар гудамж
4. Тавдугаар багийн 2-60 байрны урд
5. Ёсдүгээр багийн 4.4, 4.5 дугаар байрны урд
6. 14 дүгээр багийн 38,39 дүгээр байрны урд

Эдгээр ажлын тендер аймгийн Худалдан авах ажиллагааны албанд зарлагдаж “Хаш цамхаг” ХХК шалгарч 356.0 сая төгрөгөөр зургаан хүүхдийн тоглоомын талбай байгуулахаар гэрээ байгуулжээ.

Хүүхдийн тоглоомын талбай байгуулах ажлын хүрээнд дараах ажлууд хийгдэнэ. Үүнд:

1. Сагсны талбай – ширхэг
2. Гэрэлтүүлэг 96 ширхэг
3. Түшлэгтэй сандал- 83 ширхэг
4. Хогны сав -35 ширхэг
5. Сүүдрэвч -11 ширхэг
6. Хүүхдийн ком болон жижиг тоглоомууд – 6 талбайд
7. Задгай талбай -4 ширхэг
8. Явган хүний зам – 1958 м.кв