Монгол Улсын хувь хүний орлогын албан татварын тухай хуулийн 16, 24 дүгээр зүйлд заасны дагуу иргэн орон сууц  худалдан авсан, эсвэл сургалтын төлбөрөө төлсөн тохиолдолд түүний 10 хүртэлх хувийг буцаан авдаг билээ. Энэ жилийн хувьд улсын хэмжээнд 75 мянга 395 иргэнд 45.8 тэрбум төгрөгийн татварын буцаан олголтыг хийхээр баталгаажуулсан байна. Дархан-Уул аймгийн хэмжээнд 2015 оны тайлангаар тус онд татварын буцаан олголтод хамрагдах хүсэлтэй иргэдийн тайланг хоёрдугаар сард хүлээн авч татварын албанаас баталгаажуулан нийт 3236 иргэнд 1,799.3 сая төгрөгийн хөнгөлөлтийг буцаан олгохоор жагсаалтыг ирүүлсэн аж. Эдгээр иргэдийн татварын буцаан олголтын мөнгийг улс, орон нутгийн төсөв хүндрэлтэй, орлогын тасалдалтай байгаа ч орон нутгийн зүгээс нөөц бололцоогоо дайчлан тавдугаар сарын 26-ны өдөр бүрэн олголоо.