Баруун-Урт сумын 7-р багаас санаачлан I love Baruun-Urt challenge зохион байгууллаа. Хотын төвөө хоггүй цэвэр байлгах, хүүхэд залууст хотын соёлтой иргэн байхыг уриалсан энэхүү ажлыг анх Баруун-Урт сумын 7-р багт санаачлан өрнүүллээ. Уг challenge-д 7-р багт амьдардаг залуус бие биенээ уриалан цахим хуудсаар дамжуулан дуудаж, 5 сарын 28-ны бямба гаригт цугларан хог цэвэрлэгээ хийлээ. I love Baruun-Urt challenge-д ирсэн залуус орчныхоо хогийг цэвэрлэснээс гадна салхинд гарч, "Зээр онох", "Олс таталт", "Дээс үсрэх" зэрэг хөгжөөнт тэмцээнийг зохион байгуулж нэг өдрийг үр бүтээлтэй өнгөрүүлсэн юм. Өсөж төрсөн хотоо цэвэр байлгах зорилгоор нэгдсэн залуус энэхүү ажлыг дэмжин идэвхтэй оролцсон бөгөөд та бүхэнд ажил хөдөлмөрийн амжилт хүсье. Цаашид Баруун-Урт сумын бусад багт хэрэгжинэ гэдэгт итгэж байна.