Их Монгол Улс байгуулагдсаны 810, Үндэсний тусгаар тогтнолоо сэргээн тогтоосон ардын хувьсгалын 95 жил, Дархан хот байгуулагдсаны 55 жилийн ойн баяр наадмын Хүндэтгэлийн хурал өнөөдөр /2016.07.18/ Залуучууд театрт боллоо. Баяр наадмын хүндэтгэлийн хуралд аймгийн удирдлагууд Дархан-Уул аймаг дахь ОХУ-ын Ерөнхий консул Доржиев Александр Цеденешиевич нар болон Дархан-Уул аймгийн үе үеийн Засаг дарга нар, сумдын удирдлагууд орцсон юм.Хурлаар “МОНГОЛ УЛСЫН “ТӨРИЙН ОДОН МЕДАЛИАР ШАГНАХ ТУХАЙ” Монгол Улсын Ерөнхийлөгчийн зарлигийн дагуу Монгол Улсын Төрийн дээд одон медаль, Монгол Улсын салбарын шагнал, аймгийн Засаг даргын шагналаар аймаг орон нутагтаа төдийгүй улс эх орондоо хөдөлмөр бүтээлээрэй манлайлагч эрхэм хүмүүсээ шагналаа. Тухайлбал: Д.Банзай, Ж.Болдбаатар, С.Дамбадаржаа нарын найман хүн Хөдөлмөрийн гавъяаны улаан тугийн одонгоор, Б.Амарсанаа, Б.Балжинням, Д.Баяраа нарын 25 хүн Алтан гадас одонгоор, С.Алтандолгион, Б.Ариунжаргал, Н.Буманцэцэг нарын 15 хүн Хөдөлмөрийн хүндэт медалиар, В.Батбаатар, Б.Болдбаатар нарын найман хүн Цэргийн хүндэт медалиар , Төрийн албаны Тэргүүний ажилтан цол тэмдгээр Дархан сумын ИТХ-ын нарийн бичгийн дарга Б.Болдбаатар нар тус тус шагнагдсан бөгөөд нийт 100 гаруй хүн төр засагтаа хөдөлмөрөө үнэлүүлж төрийн одон медалиар энгэрээ мялаалаа.