Дархан сумын ИТХ-ын Тэргүүлэгчид өнөөдөр /2016.08.18 /-ны өдөр хуралдав. Хурлаар үндсэн хоёр асуудлыг хэлэлцсэн байна.Тодруулбал: Сумын сонгуулийн тойрогт ногдох мандатын тоог тогтоох тухай мэдээллийг сумын Засаг даргын орлогч Г.Батбаяр танилцуулав. Дархан сумын ИТХ-ын дарга ээлжийн амралттай учир Тэргүүлэгч Н.Юра хурлыг удирдан явуулав. Аймаг нийслэл, сум дүүргийн ИТХ-ын сонгууль зохион байгуулах цаглабарын дагуу Тэргүүлэгчид хуулийн хугацаанд хуралдаж Сонгуулийн тойрогт ногдох мандатын тоог тогтоосон байна. 2016 оны Дархан сумын ИТХ-ын Төлөөлөгчийг сонгох сонгууль 18 тойрогтой  бөгөөд тус бүрт ногдох мандатын тоог 31 байхаар батлав. Түүнчлэн тус хурлаар гурван хүнийг төрийн дээд шагналд уламжилсан байна.