Дархан-Уул аймгийн Хөгжлийн бодлогын хэлтсээс тариалангийн талбайн ургацын урьдчилсан дүнг тогтоох ажлыг хийж гүйцэтгэжээ. Аймгийн хэмжээнд 107 иргэн, аж ахуй нэгж байгууллага нийт 11.7 мян.га талбайд тариалалт хийсэн байна. Үүнээс улаан буудайг 9.7 мян.га-д , арвайг 1.7 мян.га-д, бусад үр тариаг 205 га-д тус тус тариалжээ. Ургацын урьдчилсан дүнгээр улаан буудай үр тариа тариалсан нийт 11.7 мян.га-д талбайгаас 18.8 мян.тн буюу нэг га-аас дундажаар 16.2 цн, төмсийг 605 га талбайгаас 7.5 мян.тн буюу га-аас 125.3 цн, хүнсний ногоог 1.9 мян.га талбайгаас 17.7 мян.тн буюу га-аас 138.6 цн, тосны ургамал 1.8 мян.тн, малын тэжээл 105 тн-ыг тус тус хураан авах тооцоог гаргасан гэж холбогдох мэргэжилтэн мэдээллэв.  Энэ жилийн ургацыг урьдчилсан байдлаар тогтооход: Үр тарианы ургац өмнөх оны мөн үеэтэй харьцуулахад үр тариа 15.0 мян.тн-оор, төмс 4.6 мян.тн-оор, хүнсний ногоо 13.1 мян.тн-оор, тосны ургамал 1.8 мян.тн-оор тус тус илүү ургац авах урьдчилсан дүн гарчээ