“Дарханы дулааны цахилгаан станц” ТӨХК нь өнөөдрийн байдлаар 20 МВ-ын ачаалалтай ажиллаж байна. Тус байгууллага нь өвөлжилтийн бэлтгэлийг хангах хүрээнд 67 ажлыг төлөвлөснөөс энэ сарын 24-ний өдрийн байдлаар 33 ажил бүрэн хийгджээ. Түүнчлэн  28 ажил 50-80 хувьтай бөгөөд нийт ажил 70 гаруй хувийн гүйцэтгэлтэй . Зуны их засварын ажлын хүрээнд зуух номер 5-ын их засвар 10 дугаар сарын 2-ны өдөр, турбин генератор 4-ийн их засвар 9 дүгээр сарын 5-ны өдөр тус тус дуусна гэж тус байгууллагын гүйцэтгэх захирал О.Нямдаваа ярив. “Дарханы дулааны цахилгаан станц” ТӨХК нь энэ жилийн хувьд 476 сая төгрөгийн ашигтай ажилласан бөгөөд бусад байгууллагуудад ямар нэгэн өр төлбөргүй, санхүүгийн хувьд хүндрэлтэй асуудал байхгүй тул 10 дугаар сарын 10-ны өдрийн дотор төлөвлөсөн ажлуудаа гүйцэтгэж дуусгана. Ингэснээр өвөлжилтийн бэлтгэл ажил бүрэн хангагдана гэсэн юм.