Энэ удаагийн Тэргүлэгчдийн хурлаар үндсэн гурван асуудлыг хэлэлцэв. Тус хурлаар Тогтоолд өөрчлөлт оруулах тухай сумын ЗДТГ-ын мэргэжилтэн Б.Батзул мэдээлэл хийлээ. 2014 онд Дархан сумын хилийн заагийг шинэчлэн тогтоосон байдаг. Тухайн үед иргэдэд газрын гэрчилгээг олгохдоо оршин сууж байгаа иргэний нэрээр олгожээ. Иргэд үл хөдлөх эд хөрөнгө газраа худалдан борлуулж улмаар эзэмшигч өөрчлөгдөж дараагийн иргэнд шилжихэд хүндрэл үүссэн тул байр, гудамжны дугаараар нэрлэх өөрчлөлтийг оруулах тогтоолын төслийг танилцуулав. Иргэдэд төрийн үйлчилгээг чирэгдэлгүй үзүүлэх зорилгоор тогтоолд өөрчлөлт оруулав. Гэвч Сум, дүүргийн ИТХ-ын хурлын сонгууль болж байгаатай холбогдуулан тогтоолд өөрчлөлтийг 2016.10.20-ны өдрөөс хэрэгжүүлэх хугацааг тусгаж өгчээ. Түүнчлэн байранд дугаар өгөх, 12 хүний материалыг төрийн дээд одон медальд шагнуулах зэрэг асуудлыг хэлэлцэж холбогдох тогтоолыг батлав.