Дархан хотын
55 жилийн ойг угтаж аймгийн НААҮГ-ын хамт олон 11
бүтээлч ажил хийж гүйцэтгээд байна.Тодруулбал, авто замын тусгаарлах зурвасын
ногоон байгууламжийг хамгаалах, иргэдийг автын ослоос урьдчилан сэргийлэх,
хотын доторхи хүн тээврийн хэрэгслийн замын хөдөлгөөний аюулгүй байдлыг хангах зорилгоор 1124м газар 232 ширхэг төмөр шон
суулгаж хамгаалалтын хашаа
хийжээ. Тус хамгаалалтын хашаанд иргэдийн аюулгүй байдлыг хангах үүүднээс 464
ширхэг цацруулагч нааж тодруулсан байна. Мөн бүх цогцолборт
хүрээлэнгүүд, жишиг хороолол 1, 2, 3-ын 24 ширхэг сандал, 12 ширхэг хогийн сав,
6 ширхэг сүүдрэвчнүүдийг засаж
сэргээснээс гадна Бурхан
багшийн сэрэг дүр, морин хуур цогцолборын сүүдрэвчний эвдэрсэн гоёлын
хашлагууд, сандал зэргийн засварлажээ.
Аймгийн засаг даргын 01 тоот албан даалгаврын дагуу
“Шарилжгүй Дархан” аяны хүрээнд
20 хоногийн турш хамтран Ургамал цэцэглэхээс хагдрах хүртэл үргэлжилдэг харшлын
шинж чанартай өвчин үүсгэгч ургамлыг устгаж хотын
иргэдийг эрүүл аюулгүй орчинд амьдрах нөхцөлийг бүрдүүлэхийн
тулд ажилласан билээ.
Тус байгууллагын хамт олон бүх нийтээр мод тарих өдрөөр
Морин хуур цогцолборын түшиц газар налуу энгэрийг хөрсний элэгдэл элсний
нүүдлээс хамгаалах, хотын өнгө үзэмжийг сайжруулах, хотын ногоон байгууламжийг
нэмэгдүүлэх зорилгоор 146 ширхэг бургас модны “ДАРХАН-55” Төгөл байгуулсан байна. Энэ ажилд иргэд Улаан
загалмай нийгэмлэгийн сайн дурын идэвхтнүүд, Дархан-Ус суваг
ХК-ийн хамт олон идэвхитэй
оролцож хамтран ажилласан байна.
Мөн ойн арга хэмжээг угтаж бүх нийтийн их цэвэрлэгээний
ажлыг аймгийн хэмжээнд 2 үе шаттайгаар хийв. Түүнчлэн Аюулгүйн тойргоос 16
давхар хүртэл төв замын 41 ширхэг тулгуурт шонг туузан гэрлээр ороож гэрлэн чимэглэлийг
нэмэгдүүлсэн юм. Аюулгүйн тойргоос алтны уулзвар хүртэл төв замын тулгуур
шонгуудыг мөн туузан гэрлээр чимэглэн Дархан хотын нийт 3605 ширхэг
гэрэлтүүлгийг 98 хувьтай асааж хэвийн
ажиллагааг хангалаа. Ийнхүү аймгийн НААҮГ нь төрийн байгууллагууд хамтран
хотынхоо өнгө үзэмжийг нэмэх, иргэдийн тав тухтай орчинд амьдрах нөхцөлийг
бүрдүүлэхийн төлөө энэ мэтчилэн олон ажлуудыг хийж байна.
