Дархан сумын ИТХ-ын 7 дахь удаагийн сонгуулийн Анхдугаар хуралдаан өнөөдөр /2016.11.07/ морин цагт эхлэв. Хуралдаанд ирвэл зохих 31 төлөөлөгчөөс албан ажлаар гадаад явсан 1 Төлөөлөгчөөс бусад 30 төлөөлөгч буюу нийт Төлөөлөгчдийн 97 хувь нь оролцлоо. Хуралдааны эхэнд Дархан сумын Сонгуулийн хорооны дарга С.Энхцэцэг Төлөөлөгчдийн бүрэн эрхийг зөвшөөрүүлэх тухай сонгуулийн хорооны тогтоолыг уншиж танилцуулсан байна.  Сум дүүргийн ИТХ-ын Төлөөлөгчийг сонгох сонгуульд Дархан суманд 52196 сонгогч нэрсийн жагсаалтад бүртгэгдэж 26885 иргэн саналаа өгч сонгуулийн ирц 51,45 хувьтай. Дархан сумын ИТХ-д  МАН-30, АН-1 Төлөөлөгч сонгогджээ. Анхдугаар хуралдаанаар Төлөөлөгчийн бүрэн эрхийг зөвшөөрүүлж , энгэрийн тэмдэг, Төлөөлөгчийн үнэмлэхийг гардуулан өглөө.