Төв аймаг, Засгийн газрын болон бүх шатны Засаг даргын 2016-2020 оны үйл ажиллагааны хөтөлбөр, бодлого хөтөлбөрүүдийн хэрэгжилтийг орон нутагт зохион байгуулах мэдээлэл, арга зүйн зөвлөгөө өгөх зорилгоор сумдын Иргэдийн Төлөөлөгчдийн Хурлын дарга, Засаг дарга нарын Сургалт-семинарыг 2017 оны 1 дүгээр сарын 15-16-ны өдрүүдэд Зуунмод хотод зохион байгууллаа. Тус семинараар сумдын удирдлагуудад 2017 онд аймгийн эдийн засаг, нийгмийг хөгжүүлэх үндсэн чиглэлд дэвшүүлсэн зорилтыг хэрэгжүүлэх хүрээнд аймгийн бодлогын хэлтэс, агентлагуудаас арга зүйн зөвлөгөө, үүрэг чиглэл өгч, харилцан санал бодлоо солилцох юм байна. Мөн аймгийн Засаг дарга сумын Засаг дарга нартай Засгийн газрын тусгай санхүүжилтийн гэрээ, Хөдөлмөр, халамж үйлчилгээний газрын дарга, Улсын бүртгэлийн хэлтсийн дарга, ерөнхий боловсролын сургуулийн захирал, цэцэрлэгийн эрхлэгч болон сумын босоо удирдлагатай мэргэжилтнүүдтэй Үр дүнгийн гэрээ байгуулах юм. Энэ өдрүүдэд мөн “Ажилтай орлоготой иргэн” урианы жилийн ажлын нээлт болох бөгөөд, аймгийн Цагдаагийн газрын дарга, сумын Засаг дарга, цагдаагийн хэсгийн төлөөлөгч нарын Гурвалсан гэрээ байгуулсан юм.