Дархан сумын ИТХ-ын Тэргүүлэгчдийн ээлжит хуралдаан 2017.01.18-ны өдөр болов. Хуралдаанаар орон нутгийн цаг үеийн шинжтэй хоёр асуудлыг хэлэлцсэн байна. Сумын ИТХ-ын Тэргүүлэгчдийн хуралдаанаар төрийн дээд одон медальд шагнуулахаар тодорхойлогдсон 19 хүний материалтай танилцаж, хэлэлцсэн юм. Түүнчлэн Дархан сумын Засаг даргын орлогчоор Д.Батбаярыг томилуулах саналыг сумын ЗДТГ-ын дарга О.Хүрэлчулуун танилцуулав. Өнгөрсөн хугацаанд сумын Засаг даргын орлогч томилогдоогүй багагүй хугацаа өнгөрсөн.Иймээс богино хугацаанд ажилтайгаа танилцаж иргэдийн өмнө тулгамдсан асуудлыг шийдвэрлэх чиглэлээр онцгойлон анхаарч ажиллахыг сумын ИТХ-ын Тэргүүлэгчид хүслээ. Тус хуралдаанаар Монгол Улсын “Засаг захиргаа нутаг дэвсгэрийн нэгж, түүний удирдлагын тухай хууль”-ийн 31 дүгээр зүйлийн 31.1.2 дахь заалтыг үндэслэн, сумын ИТХ-ын Тэргүүлэгчдийн хуралдаанаас Дархан сумын Засаг даргын орлогчоор Даваасамбуу овогтой Батбаярыг томилуулахаар ирүүлсэн саналыг дэмжиж баталлаа.