Аймгийн иргэдийн Төлөөлөгчдийн Хурлын ивээл дор зохион байгуулагдаж буй “Эрүүл нийгэм” аяны хүрээнд “Спирт үү спорт уу” сэдэвт сумдын гар бөмбөгийн лигийн тэмцээний нээлтийн үйл ажиллагаа амжилттай зохион байгуулагдлаа.
Нээлтэд аймгийн иргэдийн Төлөөлөгчдийн Хурлын дарга, Гэмт хэргээс урьдчилан сэргийлэх ажлыг зохицуулах салбар зөвлөлийн дарга Л.Хишигтогтох, Хурлын Төлөөлөгч Я.Насандэлгэр, Д.Базаргүр, Б.Тэгшжаргал, Ц.Баярхүү, Л.Түвдэнням, Нутгийн удирдлага, өргөдөл гомдол, хяналт үнэлгээний бодлогын хорооны дарга С.Дэлгэр, Засаг даргын орлогч Ч.Ганбат, салбар зөвлөлийн гишүүн, Хууль эрх зүйн хэлтсийн дарга Б.Алтансүх, Шүүхийн Тамгын газрын дарга Ц. Мөнхсайхан, Онцгой байдлын газрын дарга Н.Гантөмөр, Гэр бүл хүүхэд залуучуудын хөгжлийн газрын дарга А.Нансалмаа болон албаны бусад хүмүүс оролцлоо.
Нээлтийн үеэр аймгийн Гэр бүл, хүүхэд, залуучуудын хөгжлийн газар, Цагдаагийн газар, Эрүүл мэндийн газрын хамт олон Гэмт хэрэгтэй тэмцэх, архидан согтуурахын эсрэг, урьдчилан сэргийлэх чиглэлээр хууль сурталчилах ажлыг зохион байгууллаа.
