Эрхэм хүндэт Сүхбаатар дүүргийн нийт иргэд, ахмад буурлуудаа

XVII жарны "Алтан унжлагат” хэмээгч гал тахиа жил, хаврын тэргүүн сарын шинийн 1-ний өлзий дэмбэрэл дүүрэн өдрийн амар мэндийг тань айлтгая.

Монголчууд бид ёс уламжлалаа дээдлэн, азай буурлуудаа хүндэтгэж, сайн үйл, сайхан ерөөл билэгдлээр ирж буй жилээ угтдаг эртний сайхан заншилтай. Улиран одож буй бичин жил Сүхбаатарчуудын хувьд амжилт, бүтээлээр дүүрэн сайхан жил болж өнгөрлөө.

Айлчлан ирж буй гал тахиа жилдээ айл бүхэн аз жаргалтай, хүн бүхэн итгэлийн галтай, элгээрээ энх амгалан, төрлөөрөө тэгш дүүрэн жаргалтай байхын өлзийтэй ерөөлийг өргөн дэвшүүлье.

Монгол түмэн минь сар шинэдээ сайхан шинэлээрэй

СҮХБААТАР ДҮҮРГИЙН ИТХ-ЫН ДАРГА ЭРДЭНИЙН ГАНБАТ

СҮХБААТАР ДҮҮРГИЙН ЗАСАГ ДАРГА ХӨХХҮҮГИЙН БОЛОРМАА