Аймгийн Цагдаагийн газарт 2017 оны 3 сарын 19-26-ны өдрийг хүртэлх хугацаанд нийт 273 гомдол мэдээлэл, дуудлага бүртгэгдэн шалгагдсанаас гэмт хэргийн шинжтэй гомдол 62, захиргааны зөрчлийн шинжтэй гомдол 42, дуудлага мэдээлэл 169 бүртгэгдсэн байна.
Гэмт хэргээс урьдчилан сэргийлэх, шалтгаан нөхцлийг арилгуулах зорилгоор 10 аж ахуйн нэгж, байгууллагад хэрэг бүртгэгч мөрдөн байцаагчийн албан мэдэгдлийг хүргүүлэн хариуг авч үр дүнг тооцон ажиллажээ.
Гэмт хэрэг зөрчлөөс урьдчилан сэргийлэх, таслан зогсоох чиглэлээр “Хулгай”, “Согтуу”, “Хяналт”, “Гэр бүлийн хүчирхийллээс урьдчилан сэргийлье”, “Хяналт-Шалгалт”, “Би гэр бүлдээ хайртай”, “Захиргааны хяналт” зэрэг нэгдсэн болон хэсэгчилсэн 6 арга хэмжээ зохион байгуулж давхардсан тоогоор 170 аж ахуйн нэгж байгууллагыг шалгаж 18 зөрчил илрүүлэн арга хэмжээ тооцон, ажилласан байна.
Мөн Хэв журам сахиулах эргүүлийн үйл ажиллагаанд давхардсан тоогоор 134 алба хаагч үүрэг гүйцэтгэсэн бөгөөд зөрчил гаргасан, биеэ авч явах чадваргүй, согтууруулах ундааны зүйл хэтрүүлэн хэрэглэсэн 34 иргэнийг ар гэр асран хамгаалагчид нь хүлээлгэн өгч, 47 иргэнийг эрүүлжүүлэх байранд хүргэжээ.
Үүрэг гүйцэтгэх хугацаанд 115 аж ахуйн нэгж байгууллага, 40 баар цэнгээний газар, 122 тээврийн хэрэгслийг шалгаж зөрчил гаргасан 15 иргэнд 51000 мянган төгрөгийн торгууль ногдуулж 211 иргэнд хууль зүйн зөвлөгөө өгч ажилласан байна.
Түүнчлэн Замын хөдөлгөөний аюулгүй байдлыг хангах зорилгоор 2849 тээврийн хэрэгслийг шалган, 923 зөрчлийг илрүүлэн, зөрчилтэй 733 жолоочид бэлэн бус байдлаар 14 сая 788 мянган төгрөгийн торгуулийн арга хэмжээг ногдуулж, зөрчилтэй 29 тээврийн хэрэгслийг түр саатуулж, согтууруулах ундааны зүйл хэрэглэсэн үедээ тээврийн хэрэгсэл жолоодон хөдөлгөөнд оролцсон 29 жолоочийг илрүүлэн Монгол Улсын Замын хөдөлгөөний аюулгүй байдлын тухай хуулийн дагуу арга хэмжээг оногдуулжээ.
