Дархан сумын ИТХ-ын дарга Ж.Балжинням Төлөөлөгч Э.Дэмбэрэлсамбуугийн хамт Малчин багийн Хөтөл хорооллын авто замын нөхцөл байдалтай газар дээр нь очиж танилцлаа.

Шалган бүртгэх товчооны орчмоос “төв зам”  дагуу /хөрсийг хусч тэгшилсэн зам/ цасны  ус гол шиг урсаж,  2 хэсэг газарт ус хуримтлагдаж нуур үүссэн нь авто машин зорчих боломжгүй болгосон байна. Хүүхдийн автобус шалган бүртгэх товчооны орчмоос хүүхдүүдээ авч, мөн тэндээ  буулгаж байна.

Хөтөл хорооллын замыг сайжруулах, шаардлагатай газарт нь гүүр барих асуудлыг төлөвлөж, хөрөнгийн асуудлыг шийдвэрлэн, аль ч улиралд  иргэд  саадгүй зорчих нөхцөлийг бүрдүүлэх шаардлагатай байгаа талаар аймгийн Хөрөнгө оруулалт,хөгжлийн бодлого,төлөвлөлтийн хэлтсийн даргад санал хүргүүллээ.