Сумын “Эмэгтэйчүүдийн зөвлөл”-өөс анх санаачлан зохион байгуулсан “Нэгэн үеийн эгэл бүсгүйчүүд” ёслолын арга хэмжээ 2017.03.06-ны өдөр 8 дахь удаагаа зохион байгуулагдлаа. Уг арга хэмжээнд Эрдэнэсант сумын Ерөнхий боловсролын сургуульд нэгэн үед ажиллаж байсан багш, ажилтан эмэгтэйчүүд уригдан оролцлоо. Ёслолын арга хэмжээний үеэр Ерөнхий боловсролын сургуулийн багш сурагчид хамтарсан хүндэтгэлийн тоглолт болж, дурсамж яриа өрнүүлэн нэгэн өдрийг халуун дулаан уур амьсгалтай дурсамж дүүрэн өнгөрүүллээ. Мөн сумын ЗДТГазар, ИТХ-аас бүсгүйчүүдээ хүндэтгэл үзүүлж дурсамж, гарын бэлэг гардуулан, ЕБС-ийн үе үеийн төгсөгчид багш нартаа хүндэтгэл үзүүлсэн сайхан арга хэмжээ болж өндөрлөлөө.