Аяныг Чингэлтэй дүүргийн эрүүл мэндийн төв, 1-19 дүгээр хороодын Өрхийн эрүүл мэндийн төвүүд, Этүгэн АУДС, Бүх дэлхийн хүүхдийн сан ТББ, Чингэлтэй дүүргийн Улаан загалмайн хороотой хамтран хороодын Иргэний танхимд дараах хуваарийн дагуу зохион байгуулна.
“Эрүүл мэндээ хамгаалах аян”-ы хүрээнд
1. Халдварт бус өвчний талаарх ойлголт өгөх сургалт, эрт илрүүлгийн үзлэг, шинжилгээ - Иргэдийн цусны даралт, цусан дахь сахарын хэмжээг тодорхойлох, элэгний B, С вирүсийн шинжилгээ, ДОХ, БЗДХ-ын шинжилгээг зохион байгуулж, зөвлөгөө өгөх
2. Хэвтрийн өвчтэй ахмад болон хөгжлийн бэрхшээлтэй иргэдэд гэрийн эргэлт хийж, сувилахуйн тусламж үзүүлэх
3. Жирэмслэлтэнд хэрхэн бэлтгэх талаар нөхөн үржихүйн насны эрхтэн тогтолцооны эмгэгтэй, өвчлөлтэй эмэгтэйчүүдэд урьдчилан сэргийлэх үзлэг, сургалт явуулах зэрэг арга хэмжээ болох юм.
Аяны нээлт энэ сарын 6-ны өдөр Чингэлтэй дүүргийн 3 дугаар хорооны Иргэний танхимд 11:00 цагт болно.
ИРГЭНИЙ ОРОЛЦОО, ОЛОН НИЙТТЭЙ ХАРИЛЦАХ ХЭЛТЭС
