Дархан-Уул аймгийн Засаг даргын 02 дугаар албан даалгаврын хүрээнд Аж ахуй нэгж байгууллага өөрийн эзэмшлийн 50 метр газраа цэвэрлэж эхэлсэн бол оюутнууд уг ажилд ханцуй шамлан өнөөдрөөс /2017.04.11/ орж байна. Цэвэр орчинд аж төрөх үндсийг иргэд бид өөрсдөө бүрдүүлэх учиртай бөгөөд нийтийн цэвэрлэгээнд идэвхтэй оролцохыг оюутан залуус Дарханчууд та бүхнээс хүсэж байна. Дархан-Уул аймгийн хэмжээнд 9-н их, дээд сургуульд нийт 8000 орчим оюутан залуус суралцаж байгаагаас 3000 гаруй залуус нийтийн цэвэрлэгээнд нэгдлээ. Бүх нийтээрээ нийтийн цэвэрлэгээнд ач холбогдон өгөн цэвэр таатай орчныг бүрдүүлж байгаа энэ үед иргэн та ч гэсэн энэхүү ажилд нэгдэхийг оюутан залуус уриалж байна.
