2024 оны сумын жилийн эцсийн малын тоогоо аймгийн Статистикийн хэлтэст тушаалаа. Энэ жил сумын хэмжээнд урьдчилсан байдлаар 387 малчин өрх, 157 мал бүхий өрх, 1 аж ахуйн нэгжийн нийт 134,792 толгой мал тоологдож, өмнөх оноос 0.3%-аар буурсан байна.

Өмнөговь аймгийн Цогтцэций сумын Т.Борын нэрэмжит 1-р сургуулийн 12б ангийн сурагч /Saturn 180 Дартс клуб/-ын тамирчин Х.Энэржин нь Англи улсын Гибралтар хотод зохион байгуулагдсан "Өсвөрийн дэлхийн аваргын Дартс"-ын тэмцээнд багаар Хүрэл медаль, ганцаарчилсан төрөлд Хүрэл медаль тус тус хүртэж амжилттай оролцлоо. Сумын ИТХ-ын дарга Б.Энхбаатар хүлээн авч уулзан, хүндэтгэл үзүүлж баяр хүргэлээ.

Өмнөд бүсийн төв-Өмнөговь аймгийн Онцгой байдлын газрын Цогтцэций сум дахь Онцгой байдлын хэлтэс шинэ байртай болж, нээлтээ хийлээ. Анх 2015 онд байгуулагдсан Гал түймэр унтраах, аврах 44 дүгээр анги нь Засгийн газрын 2020 оны 163 дугаар тогтоолоор Онцгой байдлын хэлтэс болон өргөжиж, үйл ажиллагаагаа явуулж байна. Тус хэлтэс нь аймгийн Номгон, Баян-Овоо, Цогт-Овоо, Цогтцэций сум, Дорноговь, Дундговь, Говьсүмбэр аймгуудын хил залгаа сумдад тохиолдсон гамшиг, ослын дуудлагаар үүрэг гүйцэтгэж, урьдчилан сэргийлэх үйл ажиллагааг зохион байгуулан ажилладаг юм.

Польш улсын Шкалярска Пореба хотод зохион байгуулагдсан өсвөрийн залуучуудын Дэлхийн аварга шалгаруулах 100 буудалт даамны тэмцээнд эх орноо төлөөлөн гурван төрөлд оролцож үндсэн төрөлд Алтан медаль, Рапид төрөлд Алтан медаль, Близ төрөлд мөнгөн медаль тус тус хүртэж ДЭЛХИЙН АВАРГА болсон Т.Борын нэрэмжит ЕБС-ийн 3а ангийн сурагч Цогтцэций сумын "Их шанх өрөг" даамны холбооны тамирчин Бавуудоржийн Оюун-Үжин өнөөдөр сумандаа ирж ИТХ-ын дарга Б.Энхбаатар, Сийрст багийн Засаг дарга Л.Энхцэцэг, Өгөөмөр багийн Засаг дарга Д.Бямбажаргал, "Их шанх өрөг" даамны холбооны хамт олон, Дасгалжуулагч багш Г.Борхүү, 1 дүгээр сургуулийн захирал М.Ганзориг, С.Цэндсүрэн багштай 3а ангийн хамт олон, Дотоодын цэргийн 810-р анги тус тус угтан авч баяр хүргэлээ. Б.Оюун-Үжин нь 2024 оны 4 дүгээр сард зохион байгуулагдсан Ази тивийн аварга шалгаруулах тэмцээнээс 1 алт, 2 мөнгө, 2 хүрэл медаль хүртсэн амжилт гаргаж байсан билээ. Дэлхийн аваргын тэмцээнд явахад нь дэмжлэг туслалцаа үзүүлсэн "Клин Энержи Ази" ХХК-н хамт олонд талархал илэрхийлье.

Цогтцэций сумын түүхт 100 жилийн ойн нэрэмжит Ширээний теннисний насанд хүрэгчдийн "АЙМГИЙН АВАРГА-2024" шалгаруулах тэмцээн зохион байгуулагдаж байна. Тэмцээнийг нээж -ИТХ-ын дарга Ц.Доржсүрэн -Засаг дарга Г.Бацмаа -Тамгын газрын дарга В.Хүүхэндүү -МУ теннисний шигшээ багын дасгалжуулагч Б.Цэрэнтогтох -2 дугаар сургуулийн захирал Б.Ганжаргал нар үг хэллээ. Цогтцэций сумаас шинээр насанд хүрэгчдээс 1-р зэрэг хүртсэн М.Эрдэнэбаяр Ж.Нармандах Өсвөр үеийн 3-р зэрэг хүртсэн 4 тамирчдадаа халуун баяр хүргэе Тэмцээнд нийт 60 гаруй тамирчин оролцож Тэр дунд Хамгийн ахмад МУ дэд мастер Б.ДОРЖ МУ дэд мастер С.Энхмаа МУ дэд мастер Э.Түвшинтөр МУ дэд мастер Д.Галхүү МУ дэд мастер Р.Гаадан оролцож байгаа билээ.

Улаанбаатар хот дахь Цогтцэций сумын нутгийн Зөвлөл, сумын ИТХ, ЗДТГ-тай хамтран Улаанбаатар хотод ажиллаж амьдарч байгаа нутгийн иргэдийн "Хилэнт эх" хэмээх модон луу жилийн сар шинийн нэгдсэн золголтыг зохион байгууллаа.

Хурдан атан тэмээний уралдаанд: 1. Цагаан-Овоо багийн Б.Уранчимэгийн хөх ат 2. Сийрст багийн Д.Эрдэнэжаргалын бор ат 3. Цагаан-Овоо багийн Б.Уранчимэгийн хар ат 4. Цагаан -Овоо багийн Э.Гантогтохын хар ат 5. Цагаан-Овоо багийн Э.Ганжигүүрийн хар ат Хурдан тайлаг тэмээний уралдаанд: 1. Цагаан-Овоо багийн Б.Жамъянгийн улаан хүрэн 2. Цагаан-Овоо багийн Э.Гантогтохын шар 3. Цагаан-Овоо багийн Б.Уранчимэгийн хүрэн 4. Сийрст багийн М.Амартүвшингийн улаан 5. Сийрст багийн Б.Мөнхбатын хар Хурдан торомны уралдаанд: 1. Сийрст багийн Б.Мөнхбатын хүрэн 2. Цагаан-Овоо багийн Э.Гантогтохын шар 3. Цагаан-Овоо багийн У.Одсүрэнгийн хүрэн 4. Цагаан-Овоо багийн Б.Мөнхболдын хүрэн 5. Сийрст багийн М.Амартүвшингийн шар тус тус хурдаллаа. Сайхан буур шалгаруулах тэмцээнд: 1. Сийрст багийн М.Амартүвшингийн улаан хүрэн буур 2. Цагаан-Овоо багийн Ю.Жаргалын улаан буур 3. Билгэх багийн Х.Отгонтөгсийн хүрэн буур Сайхан ингэ шалгаруулах тэмцээнд: 1. Билгэх багийн Э.Сүхбаатарын торомтой ухаа ингэ 2. Цагаан-Овоо багийн А.Мягмарсайханы улаан ингэ 3. Цагаан-Овоо багийн Ц.Нандинцэцэгийн улаан ингэ Сайхан хос шалгаруулах тэмцээнд: 1. Сийрст багийн М.Амарсанаа, А.Лхагвасүрэн нарын хүрэн зүсмийн тэмээтэй хос 2. Цагаан-Овоо багийн А.Бямбаа, Б.Уянга нарын цагаан зүсмийн тэмээтэй хос 3. Сийрст багийн Б.Отгончулуун, Ц.Даваасүрэн нарын улаан зүсмийн тэмээтэй хосууд тус тус шалгарлаа.

Цогтцэций сумын иргэдийн Хурлын Төлөөлөгчид болон багийн Засаг дарга, БИНХ-ын дарга нар Засаг захиргаа нутаг дэвсгэрийн нэгжийн шинэчилсэн хуулийн танилцуулга болон бусад холбогдох журмуудын талаар сургалтанд 2022 оны 2 дугаар сарын 21,22-ны өдрүүдэд хамрагдлаа. Сургалтыг Монголын Нутгийн удирдлагын холбоо зохион байгууллаа.

"#АВИЛГАГҮЙ #НИЙГМИЙН #ТӨЛӨӨ” ХАМТДАА #САРЫН АЯН “Авлигатай тэмцэх үндэсний хөтөлбөр”, Аймгийн гэмт хэргээс урьдчилан сэргийлэх ажлыг зохицуулах салбар зөвлөлийн 2021 оны төлөвлөгөөний дагуу Авлигаас урьдчилан сэргийлэх ажлыг эрчимжүүлэх ажлын хүрээнд төрийн байгууллагын үйл ажиллагаанд иргэдийн бодит хяналт, оролцоог бий болгох, төрийн үйлчилгээг иргэдэд нээлттэй тэгш хүргэх, авлигатай тэмцэх үйл хэрэгт иргэд, олон нийтийн оролцоог, хяналтыг бий болгох, төрийн болон төрийн бус байгууллагаас иргэдэд хандсан авлигын эсрэг мэдээлэл сурталчилгааг идэвхжүүлэх, олон нийтийг соён гэгээрүүлэх зорилгоор Аймгийн ИТХ, ГХУСАЗСЗ, ЗДТГ-аас “#Авлигагүй #нийгмийн #төлөө” хамтдаа 1 сарын аяныг зохион байгуулж байна. Аяны хүрээнд зарлагдаж байгаа эссэ бичлэг болон видео бичлэгийн уралдаанд идэвхтэй оролцоорой. Уралдаанд оролцогчдын материалыг tstseveen33@gmail.com хаягаар хүлээн авна. Мэдээллийн дэлгэрэнгүйг: 89048478 утсаар авах боломжтой.

Сумын ГХУСАЗСЗ, Сум дундын цагдаагийн хэлтэстэй хамтран зохион байгуулж буй "Архины эсрэг хамтдаа" нөлөөллийн аяны хүрээнд "БИД АЮУЛГҮЙ ТАЙВАН ОРЧИНД АМЬДРАХ ЭРХТЭЙ" богино хэмжээний видео сурталчилгааны бүтээл шалгаруулах уралдааны удирдамж