Монгол Улсын Их Хурал шатрын спортыг ивээлдээ аван улсын хэмжээнд шатрыг жигд хөгжүүлэх, түгээн дэлгэрүүлэх үйлсийг 2012 онд эхлүүлж, Шатар сонирхогчдын Улсын аварга шалгаруулах тэмцээнийг жил бүр бүрийн 01-р сарын сарын эхээр зохион байгуулж ирсэн. Тус тэмцээний цар хүрээг тэлж 2014 оноос эхлэн анхан шат буюу сум, дүүргийн аварга шалгаруулах тэмцээнийг зохион байгуулдаг уламжлалтай болсон.

Монгол Улсын шинэ Үндсэн хууль батлагдсаны өдөрт зориулсан УИХ-ын дарга М.Энхболдын ивээл дор зохион байгуулагдах шатар сонирхогчдын сумын аварга шалгаруулах тэмцээн 2017 оны 11-р сарын 18-19-ний өдрүүдэд орон даяар нэгэн зэрэг зохион байгуулагдах тул шатар сонирхогч та бүхнийг өргөнөөр оролцохыг урьж байна.

Тус тэмцээнд оролцож эрэгтэй төрөлд эхний 3-н байр, эмэгтэй төрөлд эхний байрыг эзэлсэн шатарчдыг аймгийн аварга шалгаруулах тэмцээнд оролцох эрхийн бичгээр шагнагдах юм.

Тэмцээнд оролцогч нь МоШХ-ны рейтингийн жагсаалтаар сүүлийн 2 жилийн хугацаанд рейтинг нь 2000-аас хэтрээгүй, шатрын спортоор улсын цолгүй, зөвхөн насанд хүрсэн шатар сонирхогчид байна.