СУМЫН ИТХ-ЫН ТӨЛӨӨЛӨГЧИД, БАГИЙН ИНХ-ЫН ДАРГА НАР СУРГАЛТАНД ХАМРАГДЛАА

2016-2020 онд бүрэн эрх нь хэрэгжиж буй сумын ИТХ-ын 21 Төлөөлөгч, 6 багийн ИНХ-ын дарга, сумын ИТХ-ын ажлын албаны албан хаагчдын бүрэлдэхүүнтэйгээр 2018.10.14-17-ны өдрүүдэд Улаанбаатар хотын “ЭКО ДҮҮРЭГ” болох Хан-Уул дүүргийн “Иргэний танхим”-д Монголын нутгийн Удирдлагын холбооны “Хурал ба Төлөөлөгчийн ур чадвар” сэдэвт сургалтанд хамрагдлаа. Уг сургалтыг “Төлөөлөгчийн манлайлал, бүрэн эрхээ чадвартай хэрэгжүүлэхэд анхаарах зарим асуудлууд”, “Орон нутгийн төсвийн харилцаа, ИТХ-ын сайн туршлага”, “Төрийн байгууллагын уялдаа холбоо, хуулиудын хэрэгжилтэд тавих хяналт”, “Нутаг дэвсгэрийн хөгжлийн төлөвлөгөө” сэдвээр МНУХ-ны дэд тэргүүн Г.Маналжав, тус холбооны сургагч багш Чингэлтэй дүүргийн ИТХ-ын Тэргүүлэгчдийн нарийн бичгийн дарга бөгөөд Ажлын албаны дарга Ц.Алтанцацрал, НИТХ-ын Хуралдаан зохион байгуулалт-Иргэний оролцооны хэлтсийн дарга М.Халтар, ХААИС-ийн Тэнхимийн эрхлэгч доктор, профессор С.Сайнбаяр нар удирдан зохион явууллаа. 

Мөн Хан-Уул дүүргийн жишиг хороо болох Нэгдүгээр хорооны үйл ажиллагаа болон Төрийн ордон, Одон орон геофизикийн эрдэм шинжилгээний хvрээлэнтэй танилцаж, Оюун ухааны музей, Аглаг бvтээлийн хийдийг vзлээ. 

Биднийг хүлээн авч дэмжлэг үзүүлсэн МУ, ЗХУ-ын баатар сансрын нисэгч Ж.Гvррагчаа, УИХ-ын гишvvн Ж.Бат-Эрдэнэ, МУ-ын гавьяат барилгачин П.Мэндбаяр, Геофизикийн эрдэм шинжилгээний хvрээлэнгийн техникч Ч.Батмөнх, Хан-Уул дүүргийн ИТХ-ын дарга Б.Цэрэн, Тэргүүлэгчдийн нарийн бичгийн дарга бөгөөд Ажлын албаны дарга Ж.Ичинноров бусад албаны хүмүүс, аймгийн Засаг дарга З.Батзориг, Засаг даргын орлогч Ц.Бат-Өлзий, сумын уугуул, хувиараа хөдөлмөр эрхэлж буй Ц.Батмөнх нартаа ИТХ-ын дарга, ажлын алба, Төлөөлөгчид, багийн ИНХ-ын дарга нараас чин сэтгэлийн талархал илэрхийлж эрүүл энх сайн сайхан, ажлын амжилтыг хүсэн ерөөе.