Аймгийн Засаг даргын 2019 оны 02-р сарын 12-ны өдрийн А/69 тоот захирамжаар Увс аймгийн хаваржилт хүндэрсэн зарим сумдын цаг үеийн нөхцөл байдалтай газар дээр нь танилцах, сумдын онцгой комисст заавар зөвлөгөө өгч, үйл ажиллагааг нь уялдуул, нэгдсэн удирдлагаар хангах, цаг үеийн шинжтэй зарим тулгамдсан асуудлыг шийдвэрлэх зорилготой ажлын хэсэг байгуулагдан сумдад ажиллалаа.
Аймгийн ИТХ-ын дарга Э.Насанбатаар ахлуулсан ажлын хэсэг Сагил суманд ажиллаж сумын аюулгүй нөөцийн бэлэн байдал, Засгийн газар, аймгийн онцгой комиссын албан даалгаврын хэрэгжилт болон бусад цаг үеийн шинжтэй асуудлуудтай газар дээр нь танилцаж, хаваржилтын нөхцөл байдал хүндэрч болзошгүй айл, өрхүүдээр орж малчдын санал хүсэлтийг сонсож ажиллалаа.
